Skandinavia pilluarnartoq

Nunat skandinaviamiittut nunarsuarmi pilluarfiunerpaapput. Tamanna inunnik isumasiuisitsarfiup Gallup-ip misissuititsinerani takuneqarsinnaavoq.
juulip 20-at 2010 10:48

Danmarki pilluarnerpaanik innuttaqarpoq, tullersortigalugit Finland, Norge aamma Sverige.

Nunarsuarmi nunani pilluarfinnik misissuinermi ingerlatsisuuvoq Gallup. Misissuinermilu una malunnarpoq: Pisuujunerit pilluarnerupput.

Gallupip misissuinermi pisortaata tikkuarpaa skandinaviami nunat atugarissaarfiunerisa inuttaat pilluarnerunerannik kinguneqartitsisoq. Islandimi aningaasarsiornikkut ajalusoornerup kingorna, Island nunat pilluarfiusut 23-annut appariarsimavoq.

Kisianni tamarmik taamaannngillat. Costa Rica nunarsuarmi nunat pilluarfiit arferngattut inissisimavoq - inissisimaffia nunamit pisuujunerujussuarmit USA-mit qaffasinnerulluni. Nuna Gallupip misissuinera malillugu pilluaaffiunerpaasoq tassaavoq Togo, Afrikamiittoq.

Misissuineq Gallupimit 2005-imiit 2009-imut nunani assigiinngitsuni 155-ini ingerlanneqarsimavoq, misissuiffineqartullu inuunerminnik iluarisimaarinninnerat ullormilu ataatsimi misigisaat misissuinermi uuttuutigineqartarsimapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq