Per Skaaning: Akissutitit naammanngillat

Demokraatit sinnerlugit Inatsisartuni ilaasortaasimasoq Per Skaaning nunatsinni raajarniarnermi peqquserluuteqartoqartarsimaneranik kiisalu raajartanik nalunaarsuisarsimannginnermut atatillugu nalunaarusiat pillugit Naalakkersuisunut apeqquteqaatiminut akissutisivoq:

-Akissutigineqartut naammanngillat erseqqarinnatillu. Taama Demokraatit sinnerlugit Inatsisartuni ilaasortaasimasoq Per Skaaning, Aalisarnermut Piniarnermullu Pisortaqarfiup nalunaarusiaa ”Kalaallit Nunaanni raajarniarnermi pisassiissutit nalunaarsorneqanngitsut pillugit aningaasatigut naliliineq” kiisalu Namminersulernissamut Pisortaqarfiup nalunaarusiaa ”Unioqqutitsilluni aalisarneq pillugu pasillerneq” toqqammavigalugit apeqquteqaatigisaminut Aalisarnermut Naalakkersuisup akissuteqarsimanera ullumi taama oqaaseqarfigaa.

Per Skaaningip paaserusussimavaa Aalisarnermut Naalakkersuisuusimasoq Rasmus Frederiksen innuttaasunut kukkusumik paasissutissiisimanersoq.

Tassunga atatillugu paasiumasimallugu Rasmus Frederiksen-ip aviisimi Sermitsiami aasaq juunimi issuarneqarneranut, tassa aalisarnermi peqquserluttarnermik annikitsuinnaaneraasimanera Aalisarnermut Pisortaqarfimmit naqqinniarneqarsimanersoq.

Per Skaaning isumaqarpoq Aalisarnermut Pisortaqarfiup Nalunaarusiaanut Rasmus Frederiksen assortuuttumik oqaaseqarsimasoq. Rasmus Frederiksen nunat avannarliit aalisarnermut ministeriinik ataatsimeeqateqarnerminut atatillugu taama oqarsimanerarneqarluni.

Aalisarnermut Naalakkersuisup Per Skaaninngimut akissuteqarnermini erseqqissaatigaa Rasmus Frederiksen nalunaarusiap aappaanut, tassa 200 sømilit avataani aalisarnermi peqquserluttoqartarsimneranik pasillernermik imalimmut tunngatillugu oqaaseqarsimasoq.

Aalisarnermut Piniarnermullu naalakkersuisup Finn Karlsen-ip akissuteqaatai erseqqarinngitsut nalilerlugit, tamannalu pillugu suliaq malersoqqissagitsik Per Skaaning oqarpoq.

Per Skaaningip apeqquteqaamminut ilaatippaa Aalisarnermut Pisortaqarfiup nalunaarusiaata saqqummiunneqannginnermini kikkunnut tusarniaassutigineqarsimanera. Aalisarnermut naalakkersuisoq akivoq nalunaarusiaq naalakkersuisunut saqqummiunneqartinnagu Inuussutissarsiornermut, Aningaasaqarnermut nunanullu allanut Pisortaqarfimmut tusarniaassutigineqarsimasoq kiisalu kingusinnerusukkut aalisarnermi kattuffinnut aamma nassiunneqarsimasoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat