Sjakali parnaarussaagaluarluni unnerluunneqaqqippoq

Pinerluttorsuaq eqqartuussaanikoq, Ilich Ramirez Sanchez, Sjakalitut Carlos-itulluunniit immaqa nalunginneqarnerusoq, Frankrigimi 1980-ikkunni terlisaarilluni arlaleriaqaluni pinerliisimasutut eqqartuussivilersuunneqartussanngorpoq. Pisumik ilisimannittut ullumikkut taama ilisimatitsipput.

Pinerluttoq 58-inik ukiulik taanna, playboyiullunilu pinerluttuusoq, Venezuelami inunngorsimasoq, politiinik franskinik marlunnik 1975-imi toqutsinini pissutigalugu inuunini naallugu massakkut parnaarussaavoq.

Carlosimut unnerluussutit nutaat ima nipeqarput: Carlos taamanikkut toqutsinermi peqaaavoq, aamma Frankrigimi inissianik 1982-imi ’83-imilu qaartartumeerisoqarmat peqataalluni, inissianik qaartartumeerinermi aqqanillit toqutaapput hornorujunillu amerlanerit ikiligaallutik, tusarfiit oqaluttuarput. Aamma præsident Jacques Chirac-ip qimuttuitsoq ilaaffia præsidenti inuartariniarlugu qaartartumeersimavaa.

Carlosili Sudanimi franskit kilitsissiaannit 1994-imi kiisami tigusarineqarpoq. Kilitsissiat taakku Carlos Frankrigiliaappaat, inuuninilu naallugu 1997-imi parnaarussassanngortitaavoq.