Sivso Dorph: Meeqqat atuarfiisa pitsaasuunissaat anguniarniarsiuk

-Kalaallit Nunaat ilinniarsimasunik amigaateqaqaaq. Napparsimasunik paarsisunik amigaateqarneq pissutigalugu Dronning Ingridip napparsimmavissua matoqqajaavoq. Atuarfiit ilinniartitsisussaaleqipput, atuarfippaalunnilu atuartut, pingaartumik nunaqarfippaalunni illoqarfiillu ilaanni, pitsaassutsimik pisussaatitaaffigisamittut naammaginartumik atuartinneqarsinnaanngillat, ilinniartitsisussaaleqineq patsisigalugu. Tusagassiutinut taama allappoq Ilinniartitsisut Kattuffianni, Imakimi, siulittaasoq, Sivso Dorph.
novembarip 01-at 2008 13:38

Taassuma Kalaallit Nunaanni politikerit kaammattorpai atuarfiup pitsaassusissaa isumalluutiginialeqqullugu, taannammammi Kalaallit Nunaanni ilinniarsimasunik pisariaqartitatsinnik pissarsinissamut aqqutissatuaq.

-Qanorluunniit ilinniarsimasunik kissaateqaruit, taava atuarfik iliuuseqarfigiuk. Tamanna kingulissatsinnut ilinniartitsisunik, napparsimasunik paarsisunik allanillu ilinniarsimasunik Kalaallit Nunaanni imminut pilersulernissatsinnut qulakkeerinnissaaq, Sivso Dorph nangippoq, tupigusuutigaalu Kalaallit Nunaanni meeqqat inuusuttullu pitsaasumik pitsaassusilimmik atuartinneqarnissaannut piumasaqaatit naalakkersuinermik sulialittatta akisussaasut taamaatsiinnarmatigik.

Namminersulernissaq pillugu novembarip ulluisa 25-anni taasisussaavugut, Ilinniartitsisut Kattuffianni siulittaasoq allappoq, naalakkersuinermillu suliallit kaammattorpai Inerisaaviup ingerlatai 5,6 millioni koruuninik sipaarniarfigeqqunagit.