Sivisunerusumik Herstedvesterimiittariaqassaaq
Pinngitsaaliilluni atoqateqarsimasutut pineqaatissinneqarsimasoq Ole Møller sivisunerusumik Herstedvesterimiittariaqassaaq. Nunatta Eqqartuussiviani Ole Møllerip iperagaanissaata suliarineqarnera, Højesteretimit suliarineqaqqittussanngortinneqarpoq.
Ole Møllerip anisinneqarallarnissaanik Aasiaat Nunattalu eqqartuussiviini aalajangernerit nunatsinni eqqartuussinermi inatsimmi tunngavissaqartinneqanngilaq.
Taamaattumik unnerluussisuutitaasup suliap suliareqqinneqarnissaanik kissaateqarnera Højesteretip akueraa.
Suliaq nunatta eqqartuussivianit sukkasuumik suliarineqarsinnaasoq Ole Møllerip illersuisuata, Thorkild Høyerip maanna neriuutigaa. Nunatta eqqartuussiviani pineqaatissiissut siulleq februaarimi naammassivoq – Ole Møllerillu inuiaqatigiit akornannut anisitaanissi ukiup affaani maanna utaqqereeraalu utaqqinissaa sivitsorneqaqqippoq.
- Højesteretip aalajangernera tusaatissatut tiguarput – Nunatta Eqqartuussiviani suliaq sukkasuumik suliarineqassasoq maanna qinnuteqaatigereerparput, Thorkild Høyer oqarpoq.
