Sivikitsumik pineqaatissinneqarsimasut kisimik Kangerlussuarmi inissiisarfimmiittassapput

Pineqaatissinneqarsimasunut inissiisaarfiugallartussaq Kangerlussuarmiittussaq, sivikitsumik pineqaatissinneqarsimasunut taamaallaat atorneqartassaaq.

Inatsiseqarnermut naalakkersuisoq, Aleqa Hammond, oqarpoq, Kangerlussuarmut inissinneqartartussat tassaassasut avatangiisinut navianaateqanngitsut. Allatut oqaatigalugu, sivisunerpaamik qaammatini sisamani pineqaatissinneqarsimasut tassa Kangerlussuarmiitinneqartassapput.

Sermitsisaq taama allaaserisaqarpoq.

Sivikitsumillu pineqaatissinneqarsimasut amerlapput. 2006-iinnarmi pineqaatissinneqarsimallutik utaqqisuniittut 162-iniit 233-nut amerleriarsimapput.

Pineqaatissinneqarsimasut utaqqiisaasumik Kangerlussuarmi inissinneqartarfissaat 60-inik inissaqartitsivoq, naatsorsuutigineqarporlu ukioq manna atuutilissasoq.

Pineqaatissinneqarsimasut inissiisarfissaat pillugu, pilersaarutillu pillugit, Kangerlussuarmi innuttaasut aamma ilisimatitsiffigineqareersut, Aleqa Hammond oqarpoq.