Siverth K: Piffissakinneraasut ingasattajaarput

Alcoap aluminiumik nunatsinni aatsitsiviliorniarneranut akuersinissamut atatillugu pilersaarutip sukumiisumik oqallisiginissaanut piffissakkinneraalluni oqalunneq, inuussutissarsiornermut naalakkersuisup Siverth K. Heilmannip isumaqatiginngilaa.
Allattoq Elisa Isaksen
februaarip 03-at 2008 13:27

Oqallinnissamut piffissakinneraasut tassaapput Pinngortitamut Avatangiisinullu peqatigiiffik Avataq, tamannali naalakkersuisunut ilaasortap isumaqatiginngilaa.

- Taama oqalunneq ingasaassineruvoq. Aatsitsiviummi sumiiffissaatut piukkussat pillugit pitsaaasumik paasisitsiniaasoqareerpoq, tassa Maniitsumi, Sisimiuni Nuummilu. Isornartorsiuineq Nuummi tusarsaaneruvoq, kisianni misissuinerit pisariaqartinneqartut piffissaqarfigineqarput aamma nunani allani misilittakkat ilanngunneqassapput, Siverth K. Heilmann oqarpoq.

- Soorlu Brasiliami aatsitsivik tikeraagara aallartinniarneqalermat avatangiisinik illersuiniaqatigiinnit akerlerineqarsimagaluaqaaq, maannali tapersersorneqalerluni, naalakkersuisunut ilaasortaq ilanngullugu oqarpoq.

Alcoap pilersaarutaa aatsaat 2009-mi ukiakkut Inatsisartunit isummerfigineqassaaq. Taamaattorli Inatsisartut upernaaq manna ataatsimiinneranni aatsitsiviup sumiinnissaa aalajangiiffigineqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq