Siverth K. Heilmann: "Suliffiup qiimanartuunissaa pingaarpoq!"

Suliffimmi isumannaallisaanissaq, suliffiup qiimanartuunissaa, suliffiup eqeersimaarfiunissaa ornikkuminartuunissaalu sulisut nungullariartunnginnissaannut pingaartuupput, suliffeqarnermut naalakkersuisoq Siverth K. Heilmann oqarpoq.

Sullivinni avatatagiisiginniuulluni unammineq aallarteqqammerpoq, suliffitsialammik novembarip 30-ani kingullermik siunnersuuteqartoqarsinnaalluni.

- Sullivinni sumiluunnit isumannaallisaanissaq malittarisassaqarpoq, taakkualu malitsinneqarnissaat pingaartittorujussuuarput. Sullivimmilu atukkat pitsaasuujuarnissaat sulisitsisut eqeersimaarfigissagaat unammisitsisarnermi takutikkusuttakkatta ilagilluinnarpaat, Siverth K. Heilmann oqarpoq nangillunilu.

- Taamaammat Suliffimmi isumannaallisaanissaq, suliffiup qiimanartuunissaa, suliffiup eqeersimaarfiunissaa ornikkuminartuunissaalu tamarmik pingaartuupput, sulisullunungllariartussanngippata, sulisitsisunit nakkutigeqqissaarneqarnissaat pingaartipparput.

Sulliviup pilerianartuaannarnissaanut isumannaatsuunissaanullu sulisut peqataanissaat pingaaruteqartorujusuusut Siverth K. Heilmann erseqqissarpaa.

- Kisianni isumannaallisaanermut maleruagassat malitsinneqarnissaannut sulisitsisut namminneq pisussaaffeqarput, sulisoqarnermut naalakkersuisoq oqarpoq.

Suliffitsialammimmi unammisarneq Naalakkersuisut isaaniit isigalugu iluaqutaava?

- Suu, iluaqutaavoq. Taamatut neqerooruteqarnermi suut qulequtaanersut aallaaviullutik suliffeqarfiit unammisitsinermi pitsaasumik angusaqarniarsarisarput, Sulisoqarnermut naalakkersuisoq, Siverth K. Heilmann naggasiivoq.

Suliffeqarnermut naalakkersuisoq, Siverth K. Heilmann oqarpoq.

Decembarip arfernani sulifitsialammik toqqaasoqassaaq.