Siverth K. Heilmann Atassummi siulittaasunngortoq

Atassut nuna tamakkerlugu ileqquusumik Nuummi atuarfimmi Ukaliusami ippassaq ullumilu ataatsimeersuarpoq.
Siverth K. Heilmann.
Allattoq Bikki P. Kleist
februaarip 19-at 2017 16:18

Politikeri misilittagaqarluartoq, Maniitsumeersoq, Siverth K. Heilmann Atassummi siulittaasutut ataatsimeersuarnermi sapaammi toqqarneqarpoq.

Atassummi siulittaasuusimasoq, Knud Kristiansen januarip aallartinnerani siulittaasuujunnaarluni nalunaaruteqarmat,
Qulutannguaq Berthelsen ataatsimeersuarnissap tungaanut siulittaasunngorallarpoq.

Maniitsumilu 1953-imi inunngortoq, Siverth K. Heilmann Atassummi maanna siulittaasunngorpoq.

Qulutannguaq Berthelsen Atassummi siulittaasup tulliattut toqqarneqarpoq.

Siverth K. Heilmann 13-inik taaneqartoq, Qulutannguaq Berthelsen 10-inik taaneqarpoq. Marluk taaseqataanngitsut.

 

AAMMA ATUARUK Kina siulittaasunngorusuppa?

 

AAMMA ATUARUK Atassut februaarimi nutaamik siulittaasortaassaaq