Siusinaartumik pensionisiaqalertartut amerliartorput

Siusinaartumik utoqqalinersiutilinnut kommunit ukioq manna aningaasartuutigisassaat ukiumut siulianut sanilliutissagaanni 13,6 mio. koruuninik qaffariaateqassasut, nunatsinni naatsorsueqqissaartarfik kisitsisinik saqqummiussaqarpoq. Siusinaartumik utoqqalinersiutilinnut kommunit ukioq manna aningaasartuutissaat katillugit 234.mio koruuniussallutik.

Siusinaartumik utoqqalinersiuteqalertartunut kommunit aningaasartuutigisartagaat ukiumiit ukiumut amerliartorput. Ukioq manna aningaasartuutigineqartussat ukioq 2001-mut sanilliulugit 30.mio.koruuningajalluinnarnik amerlanerussallutik. Tamatumani kommunit aningaasartuuteqarnerulernerannut pissutaatinneqarpoq siusinaartumik utoqqalinersiuteqalertartut amerliartorneri. Aamma siornatigut imaakaluarpoq siusinaartumik utoqqalinersiutilinnut kommunit aningaasartuutigisartagaat 10.procentiullutik, 2002-milu siusinaartumik utoqqalinersiuteqartitsinermut inatsisartut inatsisaat allanngortinneqarmata kommunit Namminersornerullutillu oqartussat aningaasartuutigisartagaat tamarmik 50. procentinngortinneqarput..

Tamanna kommunimiit kommunimut aningaasartuuteqarnerulersitsivoq. Assersuutigalugu Narsap kommuniata siusinaartumik utoqqalinersiutilinnut aningaasartutigisartagaat ukiumiit ukiumut 300.000 koruunit sinnerlugit amerleriaateqartartut Narsap kommuniani isumaginninnermi pisortaq Karla Egede Bisgård oqarpoq, ukiullu tamaasa inuit qulit missaat taamatut pisartagaqalernissamut qinnuteqartarnerarlugit.

-Siusinaartumik utoqqalinersiuteqalertartut tassaanerupput ilinniagaqarsimanngitsut 50-it 60-it missaanik ukiullit, siornatigut suliffissuarni sulisartuusimasut, Karla Egede Bisgård oqarpoq. Aamma ukiut tamaasa taamatut pisartagaqarnissamut qinnuteqartartussat amerliartuinnassangatinneqarput, taamatut ukiullit ukiuni tulliuttuni amerliartussammata.

Narsap kommuniani isumaginninnermut pisortaq Karla Egede Bisgård aamma oqarpoq, ukiuni kingullerni kommunip siusinaartumik utoqqalinersiuteqalertartunut piginnaangorsaqqiisarnera atorluarneqartoq, suliffeqarfiillu ikittuinnaat taamatut peqataasinnaasartut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat