Siunnersuut akerleriiffiusinnaasoq atuaganngorluni saqqummerpoq
Atuakkami Gunnar Wetterbergip Nunat Avannarliit naalagaaffeqatigiinngortinneqarnissaat tunngavilersorpaa, taassumallu isumaa malillugu Nunat Avannarliit nunarsuarmi politikikkut aalajangiisartunut pingaarnernut nalinginnaasumik akuliutitissavaat.
Gunnar Wetterberg naapertorlugu Nunani Avannarlerni naalagaaffeqatigiit 25 mio. innuttallit nunarsuarmi nunat aningaasaateqarnerpaat qulingannut inississapput. Taamaattoqassappat taava Nunat Avannarliit G20-mut ilaasortanngortussaatitaalissapput aammalu nunarsuarmioqatigiinngorsaanerup maannakkullu aningaasameernerup pilersitaanik pingaarutilinnik aalajangeeqataasinnaanngortissallugit.
Gunnar Wettenbergip siunnersuutaa akerleriiffiusinnaasoq Nunani Avannarlerni statsiministerinit isumaqataaffigineqarsimanngisaannarpoq, soorlu siorna oktobarimi isumassarsiaq atorsinnaannginneraraat.
Atuagaq Nunani Avannarlerni ministerit siunnersuisoqatigiivisa aamma Nunani Avannarlerni Siunnersuisoqatigiit Reykjavikimi novembarip ulluisa aallaqqaataani ataatsimiinneranni ukiumoortumik nalunaarutitut ilisaritinneqassaaq.
