Assi: KNR

Siunnersuusiornermi Tunngaviusumik inatsit ataqqineqassanngitsoq

Naalakkersuisut tunngaviusumik inatsisissaq pillugu isumalioqatigiissitat nutaamik suliakkinniarlugit sulipput. Isumalioqatigiissitat Tunngaviusumik inatsisissatut siunnersuusiassaat, Danmarkip tunngaviusumik inatsisaata ataaniigani nunatsinnut namminersortumut atuuttussaassasoq ilimanarluinnarpoq.

Tungaviusumik inatsisissatut siunnersuutip qallunaat tunngaviusumik inatsisaannik ataqqinnittuunissaanik apeqqut siunnersuusiorniarnermi aporfiit annersaasa ilagaat.

Suliassamut tunngavissami ersarilluinnartumik allassimavoq, Isumalioqatigiissitaq immikkoortunut marlunnut piffissani marlunni assigiinngitsunut tunngaviusumik inatsisissanik siunnersuusiussasoq, immikkoortup ilaa siulleq danskit inatsisinut tunngaviusunut tapiliussaalluni, immikkoortup aappaa Kalaallit Nunaat inatsisinit tunngaviusunit aamma danskit naalagaaffiannit anippat atulersinneqassaaq.

Ilimanarluinnarporli tunngaviusumik inatsisissaq pillugu isumalioqatigiissitat Naalakkersuisunit ersarinerusumik suliakkinneqassasut. Suliassaassaarlu Nunatsinnut namminiivittumut tunngaviusumik inatsisilionissaq.

AAMMA ATUARUK Meeqqat atuarfiat pitsaasoq namminiilivinnissamut aalajangiisuussaaq

Nunamut namminermut naalakkersuisoq, Vittus Qujaukitsoq, marlunngornermi ima oqarpoq:

- Naalagaaffeqatigiinnitsinni tunngaviusumik inatsisip killissai  allanngortinneqanngippata, nunatta oqartussaaffia annertusarneqarsinaanngilaq suliassaqarfinni taaneqartuni. Taamaattumik naalakkersuisoqatigiit toqqammavii qiviassagutsigit nunanut allanut sillimaniarnermullu tunngasuni oqartussaaffiup ilaatigut tiguneqarnissaanik oqariartuuteqarpugut.

AAMMA ATUARUK Naleqqap ataatsimoortumik tapiissutit namminiilivinnerup kingorna isumaqatigiinniutiginiarai

Naalakkersuisoq oqarpoq nangillunilu;

- Taamaattumik aamma naalakkersuisooqatigiinnissamik isumaqatigiissummi siunnerfiit suuneri aallaavigalugit naleqqussaasussaassaagut.

Naalakkersuisoqatigiinnissamillu isumaqatigiissummi ima allassimasoqarpoq:

Qujaukitsoq: Inatsisartut sinaakkusersuissapput

"Nunatta tunngaviusumik inatsisitaassaani ilanngullugu aalajangersarneqassaaq nunatta nunanut allanut tunngasutigut illersornissamullu tunngasutigut aqunneqarnerata Naalakkersuisunit akisussaaffigineqalernissaat".

Vittus Qujaukitsulli erseqqissarpaa, naggataatigut sinaakkusiisussat tassaammata  Inatsisartut:

- Inatsisartut suliakkiutaat kissaataallu suussanersut tusaqqaartariaqassavagut.

AAMMA ATUARUK Qujaukitsoq Tunngavisumik inatsisissamik suliaqarnerup tunngavissaanik suliaqarpoq

Tunngaviusumik inatsisissatut siunnersuummi qallunaat tunngaviusumik inatsisaat ataqqineqassanersoq oqallissutigineqarmat namminersornermut taamani naalakkersuisuusoq Suka K. Frederiksen aamma tunngaviusumik inatsisissaq pillugu ataatsimiititaliami taamani siulitaasuusoq, Vivian Motzfeldt, isumaqatigiinngeqaat.

Qallunat tunngaviusumik inatsisaata ataaniittussamik tunngaviusumik inatsisissatut siunnersuusiornissaq Motzfeldtip taamani isumaqatiginngeqaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat