Siunnersuisoqatigiit tapiissutinik agguaapput
Siunnersuisoqatigiit aningaasanik 300.000 koruuninik peqqissutsimut ilisimatusarnernut Kalaallit Nunaannut attuumassuteqartunut aningaasaliissutissanik aqutsisuupput. Siunnersuisoqatigiit oktobarimi ataatsimiinneranni suliniutit qulit aningaasaliiffigineqarnissaat isumaqatigiissutigineqarpoq:
Soorlu piffissami 2004-miit 2007-imut Kalaallit Nunaanni puammikkut kræfteqalersut qassiunerinik aamma nappaatip qanoq atugaatigilersinnaaneranik missingersuineq.
Akilinermi naggueqatigiit Inuit aamma nunatsinni peqqissaasunngorniat nunani killerni pissutsit naapertorlugit ilinniartitaanerminni sulinerminnilu qanoq misigisimanerat paasiniaavigineqassaaq.
Kalaallit Danmarkimiittut akornanni Hepatitis-ip – tassa tingullunnerup – qanoq nappaatigineqartigineranik, nakorsanngorniamit kalaallimit misissuiffigineqarnera.
Kalaallit Nunaanni Peqqinnissamut ilisimatusarnikkut ingerlatat pillugit Siunnersuisoqatigiit 1997-imi pilersinneqarput. Siunnersuisoqatigiit nunatsinni peqqissuseq pillugu ilisimatusarneq nukittorsassavaat aamma inuiaqatigiinni ilisimatusarneq pillugu oqallinnermut peqataassapput.
Ukiumut marloriarluni tapiissutinik agguaasoqartarpoq, tassa marsimi oktobarimilu.
