Siunnersuisoqatigiit politikkikkut attuumassuteqarusunngitsut
Tamannalu siunnersuisoqatigiit siulittaasuannit pingaartinneqaqaaq.
- Inuit pisinnaatitaaffiini isumaqatigiissutit suliarissagaanni taava naalakkersuisoqarfinnit imaluunniit politikkikkut ingerlatsisunik aalajangersimasunik tunnganngitsunik kisianni inuit pisinnaatitaaffiisa tunngavissiissutaat tunngavigalugu ingerlasinnaanissaq siunertaralugu, Inuit pisinnaatitaaffii pillugit siunnersuisoqatigiit siulittaasuat, Carl Cristian, Olsen taama oqarpoq.
Peqqissutsimut ilisimatusarnermullu naalakkersuisup oqarnera naapertorlugu siunnersuisoqatigiit politikkikkut attuumassuteqarlutik sulinerat sakkortuumik isornartorsiorneqarpoq.
- Avataaninngaaniit aammalu uani Namminersorlutik Oqartussat iluaninngaaniit oqartussaningaaniit naliliivigineqarnikuuvoq sakkortuumik attuumassuteqarnera politikkimut illuartittariaqartoq attuumassutaarutsillugu sapinngisamik, Doris Jakobsen Jensen taama oqarpoq.
AAMMA ATUARUK Inuit pisinnaatitaaffii pillugit Siunnersuisoqatigiit nutaamik siulittaasortaartut
Aamma siunnersuisoqatigiit politikkikkut attuumassuteqarnatik sulisinnaanissartik piumasaraat. Arlaannaannulluunniit attuumassuteqarunnaassagunik inummik ilinniagaqarluarsimasumik, inuillu pisinnaatitaaffiinut tunngassuteqartunik ilisimasaqarluartumik allatsimik atorfissaqartitsillutik Inuit pisinnaatitaaffii pillugit siunnersuisooqatigiit siuliattaasuat oqarpoq.
- Massakkut taamaallaat studentermedhjælperimik atuisunnaatitaagatta atorfinitsitsisinnaatitaanatalu pinnngisoorani allanngortariaqassaaq, kisianni aamma allannguineq piginnaaneqarluartumik peqarnissaq tassani pingaarnerpaavoq,
Carl Christian Olsen taama oqarpoq.
Inuit pisinnaatitaaffii pillugit siunnersuisoqatigiit pillugit siunnersuutip Inatsisartut ukiakkut ataatsimiinneranni oktobarip arfineq-pingajuani siuullermeerneqarnissaa pilersaarutaavoq.
