Siunnersuisartut atorunnaarsinneqarnissaat ataatsimiititaliap akerleraa

Nunatsinni aningaasarsiorneq pillugu ministeriunermut siunnersuisartut atorunnaarsinneqarnissaat, Naalakkersuisut siulittaasuata Hans Enoksenip siunnerfigaa. Tamannali Inatsisartut Aningaasaqarnermut ataatsimiititaliaanit ilalerneqanngilaq.
novembarip 14-at 2008 07:08

Danmarkimi ministeriuneq Anders Fogh Rasmussen isumaqatigiissusiorfigalugu Siunnersuisartut aappaagu juunip 21-anni atorunnaarsinneqarnissaat siunnersuutigineqarpoq.

Taama siunniussaqarniarneq Aningaasaqarnermut ataatsimiititaliap pissusissamisuunngitsutut nalilerpaa, Naalakkersuisullu siulittaasuata tamanna pillugu nalileeqqinnissaa piumasaralugu.

Nunatsinni aningaasarsiorneq pillugu siunnersuisartut ukiut ingerlanerini aningaasarsiorneq pillugu misissueqqissaartarnernik pitsaasunik ingerlatsisarput, nunatsinnut immikkut annerusumik aningaasartuutaanngikkaluartunik. Taamatut suliaqartarneq aningaasaqarnermut ataatsimiititaliap atorunnaarseqqunngilaa.