Siunnersuisarfik Ramsdal eqqunngitsumik akiligassiivoq

Siunnersuisarfiup Ramsdalip februaarip 21. - aniit- 25. –anut Vejlimi qarasaasialerimermik Sullissivik Nuummi sulisunik pikkorissartitsisimanerarnera ilumuunngitsoq, pikkorissartitsinermi peqataaneragaasoq radioaviisimut oqarpoq.

-Siunnersuisarfiup Ramsdahl-ip piginnittua Karl Erik Nielsen-ip februaarimi Sullissivik Nuummi sulisunik aqqanilinnik Vejlimi pikkorisaasimanerarnera piviusuunngilaq, taama oqarpoq peqataasimasuuneragaasoq Sullissivik Nuummi siunnersortitut sulisimasoq, Claus Jordening.

Claus Jordening oqarpoq ulluni februaarip 21aniit 25. -ianut inuit pingasut Sullissivik Nuummeersut ilagalugit Vejlimi Koldinngimilu suliffeqarfinnik paasisassarsiorsimallutik.

-Uagut qarasaasialerinermik pikkorissanngilagut Vejlimi, aamma angalaqatigiit aqqaniliunata sisamaannaavugut. Angalanitsinni ulluni sisamani Karl Erik Nielsen ilagaarput, Klaus Jordening oqarpoq.

Nuup Kommuneani aningaasaqarnermut pisortaq Morten Kahlke oqarpoq Ramsdalip piginnittuata Karl Erik Nielsen peqquserlulluni Vejlip qarasaasialerinermut atuarfiani pikkorissarneq piviusuusaartissimagaa aammalu inuit aqqanillit aqqi atornerlussimallugit.

-Angalaneq Claus Jordening-ip peqataaffigisaa pilersaarutaallunilu ingerlanneqarpoq.

Kisianni piffissami tassanerpiaq

Ramsdalimi piginnittup Karl- Erik Nielsenip atilersukkanik inuullu normulersukkanik inunnik aqqanilinnik pikkorissaasimanngivilluni Sullisivik nuummut peqquserlulluni akiligassiisimavoq, Morten Kahlke oqarpoq.

Inuit sisamat paasisassarsiorlutik angalasut aqqi aamma Vejlimi qarasaasialerinermi atuarfimmi pikkorissartinneqarsimasutut allaqqapput.