Siunnersuinerit ilinniartunut iluaqutaassapput

Ilinniartut ulluinnarni inuuniarnikkut ajornartorsiuteqarunik, soorlu aningaasakilliornikkut, taava kalaallit illuanni Odensemiittumi qaammammut marloriarlutik oqaloqateqarnissaminnut siunnersorneqarnissaminnullu periarfissaqartinneqarput. Siunnersuisarfimmik namminersortumik Inuk Wisdomimik piginnittoq ilinniartunullu siunnersortaasoq, Naja Rosing Olsen ima oqarpoq:

- Siunertarivaa ilinniartut sapinngisamik taamaatiinnartartut ikilisarnissaat. Qaammammut marloriarlunga taqqavunnartarpunga ilinniartut oqaloqatigiartorlugit ataatsimoortillugit ajornartorsiutaasinnaasut apeqqutaasinnaasut assigiinngitsullu tamakkua tamaasa suliarisarpagut.

Ilinniartut oqaloqateqartarnertik siunnersorneqartarnertillu iluaqutigilluartaaraat Naja Rosing Olsen oqarpoq.

- Suulluunnit ajornatorsiutaasinnaasut nalornissutaasinnaasut ulluinnarni eqqarsaasersuutit allallu tamakkua tamaasa qallorlugit suliarisarpagut, taamaattumik nalorniunnaarlutik anisarput nalornissuteqarsimagaangamik.

Ulluinnarni inuunermik allannguinikkut aningaasat sipaarneqarsinnaasut siunnersortip ilinniartunut kaammattuutigisarpaa – tamanna iliuqutaasartoq Naja Rosing Olsen oqarpoq.

- Qanoq una iliorniartusi? Qanoq iliorussi pitsaanerussava massakkuminngaanniik iliuuserisartakkassinniik pitsaanerusumik. Taava nammineerlutik taanna nassaarigaangamikku, taava nalujunnaartarpaat qanoq isillutik iliuuserisartakkaminnik allanngortitsilaarnermikkut tamanna nammineerlutik siunniussinnaasarpaat, qanoq iliuuseqarnermikkullu qaangersinnaasarlugu, taama oqarpoq sinnersuisarfimmik Inuk Wisdomimik piginnittoq, Naja Rosing Olsen.