Siunissami atisat maluginnittartut atorneqartalissapput
Siunissami atisat mutitut nalilersorneqartartut qalipaataat ilisserneqaataallu apeqqutaajunnaassaqqooqaaq, tassami siunissami atisat maluginnittartut atorneqartalerpata qatserisartunut iluaqusiissaqisut, aviisip Politikenip allaaseraa.
Allattoq Louise M. Kleemann
maajip 27-at 2008 11:45
Atisat nalunaartartuussapput kissaq inuup eqqaaniittoq qanoq ilinerani kissarpallaalernersoq.
Atisat elektronikkimik sanaajusut Amerikamiunit sananiarneqarput, unnersiutigineqarporlu atisanik maluginnittartunik sananiarsarinertik assut siumukarluartoq.
Imaaratarsinnaavorlu siunissami ukiualunnguit qaangiuppata sikaaviit atisaasivigut aamma tamakkuninnga imaqartittalissagivut.
Atisat taama ittut kissassutsimik uummatillu tillerneranik aammalu anersaartornermik maluginnittartussaapput.
Arlaannik ajortoqalerpat atisap maluginiutaata malugisinnaassavaa kalerrisaarutaatalu inuk uummalluttoq qatserisartorluunniit taamaalilluni annaassinnaassallugu.
Aammattaaq unnersiutigineqarpoq jakkit nipilersuutitallit nassaariniarneqartut.
