Siumut: Suulluunniit misilinnissaat piareersimaffigaarput

Politikerit inuit qinigaat tamarmik ikiaroornartumik sunnerneqarsimanersut qularnaatsumik inatsisiliuunneqartariaqarpoq. Tamanna Siumumit eqqunniarneqarpoq. Siumup aalajangersinnaasuuppagu politikerit ikiaroornartumik sunnerneqarsimanersut aaviinikkut quusiuinikkulluunniit misissorneqartassagaluarput, taamaalillutik tamakkuninnga atuisuunnginnertik uppernarsarsinnaalissagaluarmassuk.
juulip 16-at 2009 12:08

- Suulluunniit misilinnissaat piareersimaffigaarput, Siumumi siulittaasup tullia, Doris Jakobsen, Atuagagdliutit nittartagaannut ullumi oqarpoq.

Aaviinikkut quusiuinikkulluunniit misilitsittalernissamik siunnersuut Inatsisartut siulittaasuanut, Josef Motzfeldtimut, suliamut tunngassuteqarsinnaasoq oqarsinnaalluarpugut, taassumami angerlarsimaffiani ikiaroornartumik hashimik nassaartoqarnikuuvoq.

Josef Motzfeldt politiinit killisiorneqareerpoq, pisorlu misissorneqarpoq, sulili oqaatigineqarsinnaanngilaq Inatsisartut siulittaasuat angerlarsimaffimmini ikiaroornartumik hashimik peqarsimanersoq, taamaattoqarneranik pisattanik nutserisartumit nalunaarutigineqarmat. Siumulli tassa maanna inatsisissamut siunnersuuteqassamaalerpoq, pisumut assingusumik siunissami pisoqaqqunagu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq