Siumut Socialdemokratineersumit tikeraarneqarpoq
Siumut sapaatip akunnerani uani socialdemokratit allattuunerannit Jens Christiansen-imit tikeraarneqarput.
Allattaaneq politikkikkut pisut pissanganarseruttortullu tikippoq, Siumumili allattaaneq Johannes Mathiassen oqarpoq, tikeraarnermut tamanna pissutaanngitsoq.
-Tikeraarnissaa ukioq ataaseq pilersaarutaareersimavoq. Socialdemokratinut qanittumik attaveqarpugut, minnerpaamillu ukiumut ataasiarluta naapeqatigiittarpugut, partiitta iluani politikkimut tunngasut eqqartortarlugit, Johannes Mathiassen oqarpoq.
Qinersinissaq Siumumit piareersarneqarnersoq aperineqarami Johannes Mathiassen akivoq, piareersimajuaannarniarsarisarlutik.
-Qinersinissaq kingusinnerpaamik aappaagu decemberimi pisussaammat soorunami piareersarluta aallartereerpugut, Siumup allattaanera Johannes Mathiassen oqarpoq.
