Siumut Nuup kommunea: - Paasitilluarpavut!

Siumut Inuit ataqatigiillu Nuup kommuneata kommunalbestyrelseani suleqatigiikkunnaarnerannut atatillugu, Inuit ataqatigiit tunuliaqutaralugu kommunalbestyrelsemi ilaasortaq Ove Karl Berthelsen ullaaq radio aviisimut oqarpoq Siumup suut eqqunngitsutut oqaaseqarsimanerarluni isiginerani paasisinnaanngikkini. Aammalu suut tunngavigerpiarlugit tunuartitsinermut iluamik paasitinneqarsimanatik.
januaarip 11-at 2008 07:57

Siumut tunuliaqutaralugu kommunalbestyrelsemut ilaasortaq Rigmor Th. Høegh aperaarput tamanna qanoq akisinnaaneraa.

- Borgmesterinngortitsereernerup kingorna tusagassiutitigut tusarliunneqaqattaarpoq udvalgit suleriaaserisimasaat pillugit aammalu inunnut ataasiakkaanut tunngasut. Uagut Siumumiit gruppitsinni suleriaaseq taamaattoq assut akueriuminaatsissimavarput, Rigmor Th. Høegh oqarpoq.

Taanna nangilluni nassuiaavoq allaat radio aviisikkut oqartoqarsimasoq ”…anisikkusukkunitigut anisinniarlisigut”…-mik imalimmik.

- Tamakku akuerisinnaanngilluinnarpagut nalilersueqqissaariarluta ippassaq ataatsimiinnermi ajoraluartumik isumaqatigiippugut suleqatigiinneq kipitittariaqassasoq, Rigmor Th. Høegh oqarpoq.

Taanna erseqqissaavoq Inuit Ataqatigiit erseqqissumik tamatuminnga ilisimatissimagitsik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq