Siumut Nuuk: Paaqqinnittarfinniititaqarneq annerpaamik 1.000 kr.
Akillu imaattut Siumut Nuup siunnersuutigai.
-Meeqqaminnik ulluunerani paaqqinnittarfinniititallit isertitaqanngitsuninngaanniit 249.000 koruuninik ukiumut isertitallit akiliisassanngillat. 249.000-iniit 399.000 koruuninut isertitallit 500 koruuneertassapput 400.000 koruunillu sinnerlugit isertitallit 1.000 koruuneertassallutik.
Qatannguteqarpat tullianut 200 koruuneertarnissaq sinnerisalu akeqanngitsumik paaqqinnittarfinniitittarnissaat, Siumut Nuup aamma siunnersuutigaa.
Aamma fritidshjemmet akeerutitinnissaat anguniarusuppaat.
Akikillisaanerlu ukiumut 12 millioni koruunit missaannik naleqassangatippaat.
- Siumut Nuummiit isummat siunnersuutillu Naalakkersuisunut ingerlateqqinneqassapput, taamaasillutik nuna tamakkerlugu inatsisitigut assigiimmik aaqqiissuteqartoqarnissaa anguniarlugu, Kim Godtfredsen oqarpoq.
