Siumut Nuuk kalaalinngorsaanermik siunniussaqarniarpoq

Kangia-Kitaata kommunissaani allaffissornermi siunissami atorfinittussat kalaallisut oqalussinnaanissaat pisariaqarlunilu avaqqunneqarsinnaangitsoq, Siumut Nuuk isumaqarpoq. Kalaallisuinnarli oqaasillit atorfininnissannut periarfissat annikippallaarsorinartut, Siumut sinnerlugu qineqqusaartoq Elisabeth Ravn Johansen oqarpoq.
Allattoq Mads Lynge
apriilip 03-at 2008 16:22

Taamaakkaluartoq Nuup Kommuneata nittartagaani takuneqarsinnaavoq atorfiit 38-t suli inuttassarsineqarsimanngitsut. Tamanna pillugu Elisabeth Ravn Johansen ima oqarpoq:

- Atorfiit taakku 38-t soorunami inuttalersorneqarsinnaapput, kisianni tikisitallu akaareqatigiilluta suleqatigiittussaavugut, aamma kalaallit ilinniakkaminnik naammassinnittartut amerliartorput, qaffasissunillu atorfinittarlutik, Elisabeth Ravn Johansen oqarpoq, Nuup Kommuneanili sulisussaaleqisoqartillugu atorfinittusssanut piumasaqaatit annertusarneqarnissaat annilaanngatigineqarsinnaannginnerluni? Elisabeth Ravn Johansen ima akivoq:

- Annilaanngatigineqarsinnaangilaq pissutigalugu annilaannganeq atorsinnaannginnatsigu. Pilersaarusiorluaraanni taava annilaannganeq atorneqarsinnaanngilaq. Kommunerujussuanngornissaq suliassaq nutaajuvoq. Issuagassaqanngilagut, aperisassaqaratalu, kisianni suliassaq pissanganartorujussuuvoq, angasassatsinnillu siunniussaqartariaqassaagut, nunatsinni najugaqartut suleqatigilluinnarlugit, Siumut sinnerlugu kommunalbestyrelsimut qineqqusaartoq Elisabeth Ravn Johansen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq