Siumut nipaannersuarmik qisuariarfigaat
Aleqa Hammondip ammaalluni oqallinnermut atatillugu saqqummiussaa nipaannerinnarsuarmik partiinit allanit qisuariarfigineqarpoq.
Taava parteeqataa Karl Lyberth oqaseqarpoq, taannalu maliinnarlugu Hans Enoksen oqaaseqarpoq, ilaatigut partiit allat Siumut oqaaseqannginnerat uggoralugu.
Taamaammat Siumumiit isumaqarput, namminneq oqaseqarnissartik pinaveersaartinneqartoq
- Uanga imatut paasiinnarpara, Siumukkormiut oqaluttarfimmiit oqalunnissaannut periarfissinnaveersaarlugit, aperinaveersaassallugit isumaqatigiikannersimasut, Siumup politikkikkut oqaaseqartartua Karl Lyberth oqarpoq.
Kisianni piffisap ingerlanerani Naalakkersuisuutitaqartut sassarput, Inuit Ataqatigiinneersullu Juliane Henningsen aamma Aqqaluaq B. Egede apeqquteqarlutik.
Kingulleq politikkikkut oqaseqartartuuvoq, taassumalu Siumumik nipangersimatitsiniaasutut pasineqarnertik illua tungilerpaa:
- Soorunami taamaaliunngilagut. Aamma oqalliseqataanissaat kissaatigeqaarput. Naalakkersuisut suliaat pitsaanerusunngortinneqarsinnaappata, illua tungiliuttuniit siunnersuutinik maqaasivugut, Aqqaluaq B. Egede oqarpoq.