Siumut: Maniitsoq aanaarpoq

Suliffeqarfiit amerlavallaat Maniitsumiit illoqarfinnut allanut nuutsinneqarnerat politikerit naammagiunnaarpaat. Maniitsumiit aallararnerup kinguneraa, qaffasissumik ilinniarsimasut atorfillit 25-t, ukiuni kingullerni marlunni illoqarfimmit illoqarfimmut allamut nuummata.
Allattoq Apollo Jeremiassen
marsip 19-at 2010 07:14

Siumut Maniitsoq sinnerlugu Karl Lyberthip tusagassiuutinut allakkani ima qulequtserpai: Maniitsoq aanaarpoq.

Maniitsumiit illoqarfinnut allanut noorartut pillugit qaffasissumik ilinniagallit 25-it ukiuni kingullerni aallarsimapput.

- Maniitsumi innuttaalluni assut ilugersunarpoq, taamaattoqalerneralu akueriuminaalluni, Maniitsumi Siumup siulittaasua, Karl Lyberth oqarpoq.

Maniitsoq aanaarpoq. Greenland Venture-p qullersaqarfia nuunneqareerpoq. Polar Oil Sisimiunut ukioq manna nuunneqassaaq. Maniitsoq kommuniusimasumi sulisut Sisimiunut nuunneqarnikuupput. Karl Lyberthip tusagai tutsuiginartut malillugit ATI-mi ilinniarfimmit tunisassiornermi teknikerinngorniartunut sammisortaa Narsamut nuunneqartussaavoq.

- Aluminiummimik aatsistsivik Maniitsumi aamma pilersinneqartussaassagunarpoq, tamannaannarli isumalluutaasinnaanngilaq, Karl Lyberth allappoq.

- Alcoa piviusunngortinneqassappat, naluarput qaqugu tamanna piumaarnersoq. Ukiorpaalunni taanna utaqqiinnaraluarutsigu illoqarfitsinni suliffissaaruttut amerlasuupilussuanngussapput.

Pissutsit taamatut ingerlaannassappata Maniitsumi suliffissaaleqineq qaffariarujussuartussaavoq. Maniitsumi Siumut siulittaasua Karl Lyberth oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq