Assi: Nils Baum, Bureau for Inatsisartut

Siumut, Inuit Ataqatigiit aamma Partii Naleraq naalakkersuisooqatigiilersut

Naalakkersuisooqatigiilersut Siumut, Inuit Ataqatigiit aamma Partii Naleraq Naalakkersuisut tusagassiisarfianni tusagassiortunik katersortitsipput. Demokraatit Atassullu taamaalillutik naalakkersuisooqatigiinnit Siumumit peqataajunnaarsinneqarput.

Naalakkersuisooqatigiilersut Siumut, Inuit Ataqatigiit  aamma Partii Naleraq Naalakkersuisut tusagassiisarfianni tusagassiortunik katersortitsipput.

Nutartigaq: Inuit Ataqatigiit naalakkersuisoqarfiit sisamat tiguaat, Sara Olsvig Isumaginninnermut Naalakkersuisunngorluni, Aqqaluaq B. Egede Aningaasaqarnermut Naalakkersuisunngorluni. Partii Naleqqap Naalakkersuisoqarfik ataaseq tiguaa, Hans Enoksen Aalisarnermut Piniarnermullu Naalakkersuisunngorluni.

Inuit Ataqatigiit Peqqissutsimut naalakkersuisoqarfik aamma Aatsitassanut Naalakkersuisoqarfik tigussavaat taakkunanili naalakkersuisuulersussat kikkuuneri oqaatigineqanngikkallarpoq naalakkersuisunngortussat aallaqqaneri pissutaalluni.

Siumup Naalakkersuisoqarfiit tallimat akisussaaffigissavai. Kim Kielsen Naalakkersuisuni siulittaasuuginnassaaq, Martha Lund Olsen Kommuninut tunngasunut naalakkersuisuulissalluni, Doris Jakobsen, Suka Frederiksen aamma naalakkersuisunngussapput KNR-imillu paasiniarparput Naalakkersuisoqarfiit sorliit akisussaaffigilissaneraat.

Nutartigaq:

Naalakkersuisooqatigiilersut:

Naalakkersuisut siulittaasuat:
Kim Kielsen (S)

Naalakkersuisut Siulittaasuata Naalakkersuisoqarfia

Siulersuisoqarnermut Allaffik, Inatsisileriffik, Nunatta Københavnimi Aallartitaqarfia, Tusagassiivik, Saaffiginnittarfik aammalu Betjentit

Isumaginninnermut, Ilaqutariinnut, Naligiissitaanermut Inatsisinillu atortitsinermut Naalakkersuisoq:
Sara Olsvig (IA)

Isumaginninnermut, Ilaqutariinnermut, Naligiissitaanermut Inatsisinillu atortitsinermut Pisortaqarfik

Aalisarnermut Piniarnermullu Naalakkersuisoq:
Hans Enoksen (PN)

Aalisarnermut Piniarnermullu Naalakkersuisoqarfik

Aalisarnermut Immikkoortortaqarfik, Piniarnermut Immikkoortortaqarfik, Uumasut nakorsaat, Inuussutissalerinermut Nakkutilliivik

Aningaasaqarnermut Akileraartarnermullu Naalakkersuisoq:
Aqqaluaq B. Egede (IA)

Aningaasaqarnermut Naalakkersuisoqarfik

Aningaasaqarnermut Sulisoqarnermullu Aqutsisoqarfik, Akileraartarnermut Aqutsisoqarfik, Nalilersuinermut Nakkutilliinermullu Immikkoortortaqarfik, Nunatsinni Naatsorsueqqissaartarfik

Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu Allanut Naalakkersuisoq:
Vittus Qujaukitsoq (S)

Inuussutissarsiornermut, Suliffeqarnermut Niuernermullu Pisortaqarfik, Nukissiuuteqarneq, Nunanut Allanut Naalakkersuisoqarfik

Atuisartunut Unnammilleqatigiinnermullu Aqutsisoqarfik, Nunatta Bruxellesimi Aallartitaqarfia, Nunatta Washington, DC-imi Aallartitaqarfia

Peqqinnissamut aammalu Nunanut Avannarlernut Naalakkersuisoq:
Agathe Fontain (IA)

Peqqinnissamut Naalakkersuisoqarfik

Peqqinnissamut Aqutsisoqarfik, Pinaveersaartitsineq kiisalu Nunatsinni Nakorsaaneqarfik

Kommuninut, Nunaqarfinnut, Isorliunerusunut, Attaveqarnermut Ineqarnermullu Naalakkersuisoq:
Martha Lund Olsen (S)

Kommuninut, Nunaqarfinnut Isorliunerusunullu Pisortaqarfik, Ineqarnermut Naalakkersuisoqarfik

Nunamut Namminermut Immikkoortortaqarfik, Ineqarnermut Illuuteqarnermullu Immikkoortortaqarfik, Attaveqarneq, Angallannermut Illuuteqarnermullu Qullersaqarfik

Ilinniartitaanermut, Ilisimatusarnermut, Kulturimut Ilageeqarnermullu Naalakkersuisoq:
Doris Jakobsen (S)

Ilinniartitaanermut, Ilisimatusarnermut, Kultureqarnermut Ilageeqarnermullu Naalakkersuisoqarfik, Digitalinngorsaanermut Naalakkersuisoqarfik

Aatsitassanut Naalakkersuisoq:
Múte B. Egede (IA)

Aatsitassanut Naalakkersuisoqarfik

Aatsitassanut Aqutsisoqarfik, Aatsitassanut Immikkoortortaqarfik, Teknikkimut Nakkutilliinermullu Immikkoortortaqarfik, Asiaq kiisalu Akuersissutinut Immikkoortortaqarfik

Namminersornermut, Pinngortitamut Avatangiisinullu kiisalu Nunaateqarnermut Naalakkersuisoq:
Suka K. Frederiksen (S)

Namminersornermut, Pinngortitamut Avatangiisinut Nunalerinermut Naalakkersuisoqarfik

Silap Pissusaanut Immikkoortortaqarfik, Avatangiisinut Upalungaarsimanermullu Immikkoortortaqarfik, Aatsitassarsiornermi Avatangiisinut Aqutsisoqarfik

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat