Siumut Ilulissani amerlanerussuteqalaarpoq
Ilulissani kulturikkut illorsuarmi Sermermiuni qinersisitsisoqarpoq, suleqaterpullu Else Løvstrøm ulloqeqqata siuninnguatigut Sermermiuniit oqaluttuarpoq, Ilulissani qinersineq ullaarli ammarneqarmat,taasiartortut aamma takkussuuttuaannavissut. Kingullermik 2002-imi qinersisoqarneranut sanilliullugu amerlanerit qinersiartorsimallutik, 16 procentit nalunaaqutaq aqqanermut qinersiartorsimallutik, 2002-mi taamaasinerani 13,6 procentit taamaallaat qinersiartorsimasut. Qinersisitsivimmi aqutsisoq Kathrine Rosbach oqarpoq, taamatut amerlanerunerannut pissutaasinnaalluartoq allakkatigut qinersinerit ullaarnganiit ammarterneqarsimanerat. Else Løvstrømip qinersinermik alapernaarsuisut paasiniaavigigamigit paasisimavaa, Katttusseqtigiinnik Demokraatinillu taasisimasut manna tikillugu amerlaqatigiilluinnarsimasut, Siumut amerlanerussuteqalaalaarluni, IA-mik Atassummillu qinersisut ikittuaraannaasimasut.
