Siumut IA Ilulissani suleqatigiikkunnaarput
Utoqqalinersiutillit siusinaartumillu pensionisiallit kiassarnermut ikiorserneqarnissaat Inuit Ataqatigiinnit isumaqatigineqannginnera Siumumit peqqutigineqarpoq, aammali Inuit Ataqatigiit Siumup kommunalbestyrelsimi ilaasortaatitaanut ataqqinnigatik pissusilersortartut, Siumup unnerpai:
- Piffissami ilaatigut Inuit Ataqqatigiit ilaasortaatitaasa Siumup ilaasortaatitaanut assigiinngitsutigut nuanniitsumik pissusilersortarnerat pissutigalugu suleqatiginneq kipisariasqarpoq, Siumup Ilulissani siulittasua Edward Geisler siullermik oqarpoq.
Itisilerumanngilaali nunanniittunik qanoq pisoqartarsimaneranik, inunnut ataasiakkaanut tunnganerarlugit. Kisanni Siumumit nuanniitsuuneragaasut, Inuit Ataqatigiinnit aalajangeqataasinnaassuseqarnermut tunngatinneqarput
- Inuit Ataqatigiinniik pineqarsorivarput, aqutsinermut inatsit naapertorlugu kommunalbestyrelse-mi ilaasortat ataasiakkaat susasaqardfinni ataasiakkaani ataatsimiisitalianilusulinermi suiassanut qanippallaarfimminni suliniarsarisarnerat uparuartarnikuugatsigu, Ilulissat kommunianni borgmersterip tullia siulleq, Inuit Ataqatigiit immikkoortortaqarfiani siulittasoq, Bendt B. Kristiansen oqarpoq.
Utoqqalinersiutilinnut siusinaartumillu pensionisialinnut kiassarnermut tapit, 2008-ip aallartinnerani kommunalbestyrelse-p tamarmiusup millisitai, qaffaaqqinniarneqaneri Inuit Ataqatigiinnit naapertuuttut isigineqanngilaq.
Radioavisimit tusakkavut naapertorlugit, Siumut aamma Kattusseqatigiit partiiat Ilulissat kommunalbestyrelseianni suleqatigiinnissamik isumaqatigiinniarput.
