Siumut Danmarkimi ilinniartunit qinerneqanngilaq

Kalaallit Danmarkimi ilinniagaqartut isumaqarput Siumut qinersinermi "patitserujussuanngikkuni" "tillutsissagaluartoq". Kalaallit Københavnimi Illuutaanni ippassaq unnukkut ornilluarneqartumik qinersisartunik ataatsimiititsisoqarmat, inuit hornorujut missaat peqataasimapput.
maajip 20-at 2009 08:18

Ilinniagaqartut Kattuffiata, Avalaap, ilinniagaqartut akornanni qinersisartunik misissuisitsinerani, Siumut qinerneqanngivippoq. Kattusseqatigiit Partiiat 1,6 procentinit taaguunneqarpoq, Atassut 5 procentit missaannit taaguunneqartoq.

Inuit Ataqatigiit Demokraatillu inuusuttunit nuannarineqarnerupput. Inuit Ataqatigiit taaguunneqarnerpaapput, taasinermi taasisut pingajorarterutaannit taaguunneqaramik, Demokraatit 25 procentinit taaguunneqartut.

Misissuinerli paatsoorneqassanngilaq, tassami ilinniagaqartut 63-iinnaat aperineqarmata. Peqataasut pingajorarterutingajaat kikkunnik qinersinissartik suli aalajanginngilaat.

Politikkikkut suut pingaarnerutinneqassanersut Danmarkimi ilinniagaqartunut aamma apeqqutigineqarpoq. Meeqqat inuusuttullu atugarisaasa pitsanngorsarneqarnissaat pingaarnertut taaneqarpoq, tulliullutik atorfimmi ileqqorlunneq ilisarisimasanillu salliutitsisarneq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq