Siumut Atassullu unammilleqatigiinneq aqqutigalugu aaqqissuusserusupput
Nunatsinni inuuniarneq sutigut tamatigut akikillisarneqartariaqalermat, kisermaassinerit suul-luunniit unitsittariaqalerpavut, unammilleqatigiinnerlu aqqutigalugu aaqqissuussinerusariaqalerluta, Siumup gruppiani siulittaasoq Jens Immanuelsen aamma Atassutip gruppiani siulittaasoq Knud Kristiansen allapput, imalu nangillutik:
- Tamanna ukunatigut ersersittariaqalerparput:
Inissianik sanaartornikkut, nunaqarfinni illoqarfinnilu, nioqqutissanik pilersuinikkut, nioqqutissanik nioqqutissianllu assartuinikkut, angallannikkut aamma aalisakkerinikkut.
Inissiat atuarfiillu aserfallassimaqisut oqummillu akornuteqalersimasut piaarnerpaamik iluarsaanneqarnissaat nutaanilluunniit taarserneqarnissaat siunertaralugu BOT atorlugu aningaas-alersorneqarsinnaanersut Naalakkersuisunuttaaq paasiniaqquarput siunnersuusiorneqaqqullugulu.
Naalakkersuisut piumaffigaavut upernaamit Inatsisartut ataatsimiinnissaata tungaanut piareer-saateqaqqullugit ilaatigut minnerunngitsumillu Island suleqatigalugu.
Naalakkersuisut qinnuigaavut selskabet pisortanit pigineqartut nunatsinnut inuinullu iluaqu-taasumik namminersortunngorsarneqarsinnaasut namminersortunngorsarneqarsinnaanerat pia-reersaleqqullugu, ukiut tulliuttup ingerlanerani Inatsiartunit tunngaviusumik isummerfigineqarsin-naalernissaat piareersimaffigineqarsinnaaqqullugu.
Sutigut tamatigut Danmark kisiat suleqatissatut isigiunnaarlu Nunani Avannarlerni Killerni suleqa-tigiinneq annertusarlugu Islandip pilersuinikkut assartuinikkullu suleqatigineratigut nunatsinni pissutsit pitsaanerulersinneqarsinnaanersut Naalakkersuisut upernaamit paasissutissanik Inatsisartut aalajangernissaminnut tunngavissaannik saqqummiusseqqullugit piumaffigaavut.
Naggataatigut ukiakkut ataatsimiinnermut qaangiutilersumut pikkunartumut angusaqarfiul-luartumullu qujarusuppugut, qilanaarpugullu upernaaru ataatsimeeqqinnissatsinnut.
Siumup Atassutillu gruppii sinnerlugit inussiarnersumik inuulluaqqusilluta, Siumup gruppiata siulittaasua Jens Immanuelsen aamma Atassutip gruppiata siulittaasua Knud Kristiansen, taama naggasiipput.
