Siumut Atassullu amerlanerussutaarutissagaluarput

Qinersisartunik isumasiuinerup takutippaa Inatsisartunut ullumikkut qinersisoqartuuppat Siumumik taasisut 30,9 procentianniit 26,2 procentiannut kinguariassagaluarpoq – taamaalilluni Kalaallit Nunaani partiinit tamanit annersaanini annaassagaluarlugu. Demokraatit partiitut annersanngornissaq angoqqajaavaat.

Qinersisartunik isumasiunermi, 2007-imi oktobarimiit decembarimut ingerlanneqartumi, kalaallit qinersisartut 810-t isumasiorneqarput, isumasiuinerlu taanna malillugu Siumup Inatsisartuni ilaasortaatitai quliniit arfineq-pingasunut ikileriassapput, naalakkersuisooqataata Atassutip ilaasortaatitani arfinillit attatiinnassagai. Siumup kinguariarneratigut partiit illuatungiliuttut angisuut marluk, Demokraatit Inuit Ataqatigiillu marluullutik ilaasortaatitaat arfineq-marlunniit arfineq-pingasunut amerleriassagaluarput. Partiillu taakku marluk suleqatigiissinnaagunik amerlanerussuteqalissagaluarput.

Partiit siulittaasuisa qanoq nuannarineqartiginerat HS Analyse-p aamma misissuivigisimavaa. Partiit siulittaasuisa qanoq pikkoritsiginerat isumasiuinermi paasiniarneqarpoq, isumasiorneqartullu akissutaanni erserpoq, Kuupik Kleist, Inuit Ataqatigiinneersoq, nuannarineqarnerpaasoq,Demokraatit siulittaasuat,

Per Berthelsen tullersortaavoq, Hans Enoksen pingajuulluni Finn Karlsenilu sisamaattut taaneqarpoq.