Siumut Anker Jørgensenip ilisaaneranut peqataatitaqassaaq
Ministeriunerusimasup Anker Jørgensenip arfininngornermi apriilip aappaanni ilisaanissaanut Siumup siulittaasua Kim Kielsen peqataassasoq, partiip allattaanera Mikael Petersen KNR-imut oqaluttuarpoq.
![Anker Jørgensen Anker Jørgensen](/sites/default/files/styles/image_934x467/public/article_images/anker_joergensen.jpg?itok=3rpGOXn_)
Anker Jørgensen
Allattoq Inge S. Rasmussen
Nutserisoq Erna Lynge
Socialdemokratit Nunani Avannarlerni, Nunatsinni Savalimmiunilu partiit suleqatigisatik aggersarsimavaat. Taamaattumik maanngaanniit Siumup naalakkersuisullu siulittaasuat Kim Kielsen ilisinissamut peqataassaaq.
Kalaallit erinarsoqatigiit Aavaat Grundvigskirkemi ilisinermi tussiassallutik Facebookiminni allapput.
Anker Jørgensen sapaatip siuliani 93-inik ukioqarluni eqqissilluni toquvoq.
Københavnip avannaaniittumi Bispebjergimiittumi Grundtvigskirkemit Anker Jørgensen naalagiutigineqassaaq Vestre Kirkegårdimilu ilisaassalluni.
Anker Jørgensenip toqunerata kingorna Folketingi ullumi ataatsimeeqqaarpoq, ministeriunerusimasorlu socialdemokratiusoq ataqqiniarlugu minutsimi ataatsimi ullumi siusinnerusukkut nipaallisimasimallutik.