Siumut aamma Atassut oqaloqatigiipput
-Piumasaqaatit assigiinngitsut saqqummiunnikuuagut, taava Atassut qanoq aalajangersimasoq ullumi ataatsimiinnermi paasinarsissaaq, Borgmester Hermann Berthelsen oqarpoq.
Siumut aamma Atassut ataatsimeeqatigiinnissaat ullumi naggataajussaaq, tassa qinersereernerup kingornali oqaloqatigiittarsimallutik. Partiit taakku marluk kommunimi qinigaaffimmi kingullermi suleqatigiipput. Atassullu Kommunimi ukiuni tulliuttuni sisamani suleqataajumanani aalajangissappat, taava Siumut Inuit Ataqatigiit Kommunalbestyrelsemi marlunnik ilaasortaatitaqalersoq oqaloqatigisinnaavaa.
-Pisut takutikkumaarpaat, Hermann Berthelsen oqarpoq erseqqissaallunili apeqqutaarujussuanngitsoq qanoq Atassut aalajangissanersoq, tassami Siumut amerlanerussuteqarluarmat.