Partiit arfineq-marluk, apeqqutit marluk: Siumut
Kim Kielsen nunatsinni suna unammillernarnerpaava?
- Massakkut aningaasaqarniarnerput, sumit tamanit anguniakkatsinnut tamanut tunngatillugu annertuupilussuarmik kalluaasarami, Kim Kielsen oqarpoq nangillunilu:
Ilinniartitaanikkut qaffassaaniarnikkut akissaqarniarpugut, isumaginninnermut tunngatillugu assigiinngitsut atugassarititaasut pitsanngorsarusuppavut akissaqartikkusullugillu, siumullu ingerlassagutta aningaasat atugassarititanut kivitsisussaassapput - peqqinnissaqarfiup, isumaginninnerup, ilinniartitaanerup sanaartornerullu iluani, taamaammat avaqqunneqarsinnaanngilaq taamatut aaqqiiniassalluta, Kim Kielsen taama oqarpoq.
AAMMA ATUARUK Suleqatigiissitsisut
AAMMA ATUARUK Inuit Ataqatigiit
AAMMA ATUARUK Partii Naleraq
KNR-ip qinersinissatta tungaanut apeqqutit marluk partiinut akeqquniarpai:
Nunatsinni ajornartorsiutit annersaat suua?
Qanoq aaqqinniarpisiuk?
Partiit akissutaat KNR-ip qinersinissaq pillugu quppernerani #IQ2018-imi atuarsinnaavatit.
Tamanna Siumumit qanoq iliuuseqarfiginiarpisiuk?
- Suliniuterpassuit assigiinngitsut ingerlanniarsarivagut, taamaammat aningaasaqarnermut aaqqiisuteqarfigissallugu pingaaruteqarpoq, ilinniartitaanikkullu pitsanngorsaaniarsarivugut - inuit atugassarititaat pitsanngorsarniassagatsigit, Siumup siulittaasua oqarpoq nangillunilu:
Aningaasanik nutaanik isaatitsinissamut tunngatillugu aamma iliuuseqarniarsarivugut, mittarfiit nutaat pilersinniarpavut, aalisarneq inerisarniarparput, avammullu annerusumik niuerutigissallugit, taavalu isumaginninnerup iluani
inuit sulilersinnaasut sulilersillugit, tassami nunatsinni assaat sulisinnaasut tamaasa atorfissaqartippavut, piginnaasallu aamma tassuuna qaffassartariaqassavagut, Siumup siulittaasua Kim Kielsen taama oqarpoq.
AAMMA ATUARUK Nunatta Qitornai
AAMMA ATUARUK Atassut
AAMMA ATUARUK Demokraatit