Siumup qinigassanngortitaata suliffissaaleqisut kisisitsitaat eqqunnginnerarpai

Nunatsinni kommunini sisamaasuni kisitsisit qimerlooraanni, Nunatsinni suliffissaaleqisut katillugit 4.137-iupput. Naatsorsueqqissaartarfiullu tassunga kisitsisaatai qimerlooraanni 3.169-ipput, assigiinngissutaa 20%-iulluni. Aali inuit pikkorissarnermut sulilersitsiniarnernullu allanut peqataanngitsut kisiisa pineqartut, taamaammat nunatsinni suliffissaaleqisut amerlassusaat qaffasinnerujussuuvoq.

-Suliffissaaleqinerup akiorniarneqarnerata sunniutaa apeqquserneqarsinnaasoraara, suliniarnermi taamaallat illoqarfinni ingerlanneqarmat. Suliffissaaleqisut ilarparujussui akulerutsinneqarneq ajorput, imaluunniit periarfissinneqarneq ajorput. Nunaqarfiit suliffissaale-qinermik eqqorneqartarnerat nakkutigineqanngimmat suliffissaaleqineq akiorniarlugu iliuuserine-qartut ilarparujussui iluaqutaanngillat. Angusat killilerujussuussapput, aammalu nunaqarfimmiut aammaarlutik pissarsiaqartinneqartussaanngillat, Vittus Qujaukitsoq oqarpoq.

Inatsisartunngortussat siunissami suliffeqarnerup iluani politikkikkut isumaqatigiissuteqartoqassagaangat ajornartorsiummik annertuupilussuarmik aaqqinniagassaqassapput. Piffissaq ungasinnerusoq eqqarsaatigalugu aaqqiissutissat pisariaqartinneqarput, suliffissaaleqinermillu akiuiniarneq politikinerinut qinigaarlaanut unammilligassat immaqa pingaarnersarissavaat.

-’Naalakkersuisut tunualersut nunaqarfinnik pingaartitsinnginnerat arlaannaatigut nutaarsiassaan-ngilaq. Nunaqarfiit nunaqarfimmiullu akulerutsinneqalertunngippata, kivinniarnissaat artornarsi-artuinnassaaq. Nunaqarfimmiut innuttaasut sinneri ilutigalugit kiffartuunneqartussaapput, eqq-maffigineqarlutik periarfissaqartinneqartariaqarlutillu. Akisussaaffimmik tunineqartariaqarput. Naatsorsuutigineqarnerusariaqarlutillu, Vittus Qujaukitsoq kaammattuivoq.