Siumup qinigassanngortitaata qallunaatsiaqarfiit UNESCO-p eriagisassatut allassimasuutaanut ilanngunneqarnissaat sulissutiginiarpaa

Qallunaatsiaqarfiit 300 sinnerlugit asuli uninngaannartut atorluarneqarnissaat kissaatigineqarpoq. Nunatsinnut milionerpassuarnik naleqarsinnaagaluarput.

UNESCO-mut eriagisassatut allassimasuutaanut ilanngunneqarnissaat unittoorsimammat, qinigaaffimmut nutaamut suliniutigissavagut. Qallunaasiaqarfiit annertunerit: Qassiarsuk, Igaliku, Qaqortukulooq taavalu ilisimaneqarpianngitsoq Sissarluttoq, UNESCO-mut ilanngunneqarnissaa suliniutiginikuugaluarpoq.

-Qallunaatsiaat oqaluttuarisaat annertusarneqarsinnaassooq, illukut assaneqarnissaanut aningaasaateqarfissuarniit aningaasalerneqarnissaa soqutiginarnerulissammat, taamaasillunilu nunarput assut nittarsarneqalerlunilu. Taamaasilluni sissiukkat, aqqusernillu sananeqarnerunissaat sanioqqukkuminaalluni, Alibak Hard oqarpoq.

Taamaasilluni sissiukkat, aqqusernillu sananeqarnerunissaat sanioqqukkuminaalluni. Timmisartut takornarialit amerlissapput, kujataamiullu periarfissaqalissapput nunatta avataanut akikinnerusumik angalanissamut; isertitassat qaffassapput kommunemut aningaasaliiffigisassagut periarfissaqalernerulluta.

Suliaq aallartikkaani nunami uninngaannartut iluaqutigisinnaanngulissavagut. Kisianni immikkut iliuuseqarnissarput pisariaqarpoq. Kujataani aningaasatigut ajornartorsiornerput ilaatigut taamaasillugu qaangeriassavagut, Alibak Hard nassuiaavoq.