Siumup qinigassanngortitaata Nick Nielsenip kalaallit qimmii sorsuutiginialerpai

Tamanna killormut saatinneqassappat qimmiutilinnut qimmeqarfinnilu qimminut atugassarititaasut pitsanngorsartariaqarput.

Taamaattumik Nick Nielsen isumaqarpoq qimmit iluamik nerisassaqarnissaat isumannaarniarlugu qimmiutillit qimmit nerisassaannik aalisarsinnaatitaallutillu piniarsinnaatitaassasut.

Nick Nielsen isumaqarpoq piniagassanut ajoqutaanavianngitsoq

- Qimmiutillit ikittunnguupput, taamaattumik qimminut nerukkaatissat aalisagaatitsinnut piniagassaatitsinnullu ajoqusiinavianngittut, siunnersuuteqartoq allappoq.

Ilanngullugulu oqarluni nersutit nakorsaannut aningaasaliissutit amerlanerusariaqartut, qimmiaqqat kapoorneqartarnerat pitsaanerusumik nakkutigineqarniassammat.

Isumaqarportaaq qimmeqarfinni attaveqaatit pitsaanerusariaqartut, aqquserngit imertarfissat eqqaaviillu pitsaasut Nick Nielsenip siunnersuutigai.

Allaat attaveqarnermut atortulersuutit inatsisiliornikkut isumannaartariaqartut siunnersuuteqartoq isumaqarpoq, tamannami qimmiutilinnut qimminullu pingaaruteqaqimmat.