Siumup IA-llu oqaloqatrigiinera nangeqqippoq
- Siumut Inuit Ataqatigiillu akornanni aporaaffiunerpaasunik eqqartueqatigiippugut taavalu aporaaffiusunit piviusumik anillariarffissaqarnersoq eqqartuisoqarpoq tassalu partiit marluk akornanni isummiussimasat naapitinneqarsinnaanersut oqaloqatigiittoqarpoq taakkualu ulluni tulliuttuni itinerusumik oqaloqatigiissutigiumallugit neriorsueqatigiittoqarpoq.
Inuit Ataqatigiit naalakkersuisoqataanissamik piumasaqaateqarnersoq Kuupik Kleist aperineqarami oqarpoq Inuit Ataqatigiit pinngitsooratik naalakkersuisooqataanissamik piumasaqarlutik isummersunngitsut, IAp siulittaasua Kuupik V. Kleist oqarpoq
Siumut qineqqusaarnermi erseqqissumik oqaatigaa sulianut angisuunut inatsimmi allaannguteqartoqartariaqartoq aamma uranimut naaggaarluinnaneq atorunnaarsinneqartariaqartoq kiisalu aalisarnikkut aaqqissuusseqqinnerit arlaqartut utertinneqassasut. Taakku arlaannaalluunnit pillugit IA isumaqataasinnaanersoq Kuupik Kleist aperaarput.
- Inatsisartuni isumaqatigiissutigineqartut ataqqineqassasut Inuit Ataqatigiit aallaavigivaat aamma nalunaarusiortitsinerit inatsisartuni tunngavigineqassasut tamarmiulluta akuersinikuuvugut aalajangersaanerillu taakkua IA-mit aalajangiusimaneqartut, Kuupik V. Kleist oqarpoq.
Aalisarnermut tunngassuteqartut oqallisigineqanngillat. Uranimik piaanngillluinnarnissaaq pillugu Kuupik V. Kleist oqarpoq, uran-imut akuersaanngilluinarnissaq atorunnaarsinneqassagaluarpat kingunerisinnaasai pillugit immikkut ilisimasalinnik suleqatigiissitaliortoqartoq. Uranimik piiaanngilluinnarnissaq IAp aaalajangiusimavaa.
Demokraait politikikkut Siumullu assigiissuteqarput, tassalu Uranimut akuersaanngilluinnarnerup atorunnaarsinneqarnissaanut aamma Qaqortumi mittarfiliornissamut isummamut.
