Politikkimut tunngasunik allaaserinnittartoq: Siumup amerlanerussuteqarluarnissaq toqqarpaa
Enok Sandgreen Siumut sinnerlugu Qaasuitsoq Kujallermi borgmesterinngortussatut Atassut suleqatigalugu toqqarneqarsimasoq, Siumup Atassullu tallimanngormat nalunaarutigaat, Siumut sinnerlugu ilaasortat arfineq-marluk Atassullu sinnerlugu ilaasortaq Naja Petersen suleqatigalugu kommuninngortussami tassani amerlanerussuteqaqqalaarnikkut isumaqatigiissusiortoqarluni.
AAMMA ATUARUK Atassut Qaasuitsoq Kujallermi salloqittarneqartutut misigisimavoq
- Ilimanarpoq qinigaaffiup aallartittussap toqqissisimaarnartumik aqunneqarnissaanut kissaateqarneq apeqqutaanerpaalluni isumaqatigiissutaagaluartoq atorunnaarsissinnarlugu nutaamik isumaqatigiissusiortoqarnera, AG sinnerlugu politikkimut tunngasunik allaaserisaqartartoq Noah Mølgaard taama naliliivoq.
Amerlanerussuteqaqqalaarluni kommunalbestyrelsimi aqutsiniarnermi siornatigut misilittakkat eqqarsaatigalugit isumaqatigiissusiarineqaraluartut atorunnaarsinneqarnerannut tunngaviunnguatsiartut taassuma oqaatigaa. Jess Svanep amerlanerussuteqaqqalaarluni Qaasuitsup Kommuniani aqutsiniarneq misilittagaqarfigereeraa Mølgaardip tikkuarpaa.
AAMMA ATUARUK Siammasissumik suleqatigiinnissaq pingaartittorujussuuarput
Qaasuitsoq Kujallermilu borgmesterinngortitsiniarnerup ilaatigut aporfeqarsimanera kommunimi aqutsinermut iluaqutaasimasinnaassasoq Noah Mølgaardip oqaatigaa, Enok Sandgreenimi ataasiinnarmik amerlanerussuteqarluni borgmesterinngorsimasuuppat ajornartorsiutit annertunerusimasinnaammata. Noah Mølgaard oqarpoq, imalu naggasiilluni:
- Aamma pissanganarpoq Enok Sandgreen uani borgmesterinngungajassinnarluni taamatut allamik isumaqatigiissusiortoqarnera qanoq tigujumaarneraa. Siumukkormioqatini akiussanerai imaluunniit isumaqatigiissutaasoq una tusaatissatut tiguinnarumaarneraa. Noah Mølgaard taama naliliivoq.
AAMMA ATUARUK Ane Hansen borgmesterinngortussanngortoq