Siumumi taaseqataasussat 76-t

Siumup ataatsimeersuarnissaa aqagu aallartippat sinerissamiit peqataasussat katillugit 100-t missaanniissapput.

Siumup ataatsimeersuarnerani siulittasunngorniutsitsinermi taaseqataasinnaasut 76-iusut Siumup allattaata Johannes Mathiassen-ip oqaatigaa. Peqataasut sinneri sinerissami immikkoortortaqarfinniit alaatsinaakkiaapput.

Siumup allattaa Johannes Mathiassen oqarpoq ataatsimeersuarnermi peqataajartortut tamarmik inissilluarsimasut.

Siumup ataatsimeersuarnissaanut Sisimiuni peqataasussat amerlanerit tikiussuutereerput, kujataaniilli peqataasussat suli tikissimanngitsut oqaatigineqarpoq. Tassani kujataani silarlunnera pissutaavoq. Aamma Uummannap kommuneaniit peqataasussat, Uummannami silarlunnera pissutigalugu suli tikinngitsut Siumup allattaata Johannes Mathiassenip oqaatigaa.

Ataatsimeersuarnissami Siumup politikkiata allannguutissaatut siunnersuutigineqarsimasut amerlapput. Ilaatigut Nuummi immikkoortortaqarfiup siunnersuutigivaa ataatsimeersuarnerni qinersisinnaasut aaqqissuussaanerisa allanngortinnissaa.

Maannakkut qinersisinnaatitaasut ilaasortakinnerugunik ilaasortaqarnerugunilluunniit tamarmik assigiimmik qinersisinnaatitaapput. Nuummi immikkoortortaqarfiup kissaatigaa ilaasortaqassuseq naapertorlugu qinersisitsisoqartalernissaa. Aatsaat taamannak siunnersuuteqartoqalinngitsoq Siumup allattaata Johannes Mathiassen-ip oqaatigaa, nangillunilu oqarpoq qanoq pisoqarumaarnea ataatsimeersuartut aalajangerumaaraat.

Siornatigut taamatut siunnersuuteqartarsimaneq ataatsimeersuartarnerni akuerineqartarsimanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat