Siumumi siulittaasup tullinngortoq apeqquserneqarpoq

Jens Napaattooq tunuartoq taarserlugu Jonathan Motzfeldtip Siumumi siulittaasup tullinngortinneqarnera Siumut naalakkersuisooqataasa Inuit Ataqatigiit siulittaasuata Josef Motzfeldtip ernumanartoqartikkaa, aviisi Sermitsiaq saqqummersoq taama allaaserisaqarpoq.

Josef Motzfeldt Sermitsiamut oqarpoq Jonathan Motzfeldt Inatsisartut siulittaasuat Inatsisartunut tamanut siulittaasuussasoq, taavalu iluaqutaanngitsoq tamanna peqatigalugu nunami partiit annersaanni politikkikkut siulittaasup tullerippagu.

Josef Motzfeldt-ip Sermitsiamut erseqqissarpaa naalakkersuisooqatiminni siulittaasup tullianik toqqaaneq Inuit Ataqatigiinnit partiitut oqaaseqarfigineqarnianngitsoq, kisiannili nammineq Inatsisartuni ilaasortatut Josef Motzfeldt ernumanartoqartitsilluni.

Josef Motzfeldt isumaqarpoq Jonathan Motzfeldt partiimi politikeriussanerluni imaluunniit Inatsisartuni siulittaasuussanerluni aalajangertariaqartoq.

Siumumi siulittaasumut tullinngortup Inatsisartut siulittaasuata Jonathan Motzfeldtip siulittaasup tullinngortinneqarnerminut atatillugu, inatsisartuni ilaasortatut Josef Motzfeldtip apeqqusiinera oqaaseqarfigerusunngilaa.

-Siumut nammineq aalajangertussaavaa partiimi nukiit qanoq inissitsiterneqarnissaat kinalu siulittaasup tullinngortissanerlugu, Jonathan Motzfeldt radioaviismut ullaaq taama oqarpoq.