Siumumi siulittaasumik toqqaannartumik qinersisoqartalissaaq

Siumup partiiata siulittaasua ilaasortanit kikkunnilluunniit qinerneqarsinnaanngussasoq, Siumut partiiata aaqqissuussaanerata nutaap, immikkut ittumik ataatsimeersuarnissami, tallimanngorpat pisussami, siunnersuutigineqartut ilagaat.
juulip 26-at 2007 05:30

Siulittaasussamik qinersineq nalinginnaasumik ataatsimeersuarneq sioqqutilaarlugu immikkoortortaqarfiit qinersisitsinerisigut pisassaaq, siulittaasussatullu qinerneqarnerpaaq ataatsimeersuarnermi ivertinneqartassalluni. Ilaasortat oqartussaaqataanerisa ersarissarneqarnissaat taamalillugu anguniarneqarluni.

Partiip allattaanera ataatsimeersuarnermi aamma qinerneqartassasoq siunnersuutigineqarpoq, siulersuisuunerit partiip allattaaneranik maannamut toqqaasaraluarput.

Kommunerujussuassamittaaq nunap immikkoortuini siulersuisussat tallimanngorpat aamma qinerneqassapput. Komuunerujussuanngornissaq sioqqullugu, partiip nalinginnaasumik aappaagu ataatsimeersuarnissaa taamaalilluni utaqqineqarani, ukiormanna nalliuttorsiornissamut atatillugu immikkut ataatsimeersuarnissaq aalajangiunneqarsimavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq