Siumumi siulittaasumik qinersineq kinguartinneqartoq

Siulittaasumik qinersineq KNR-2-ikkut knr.gl-ikkullu toqqaannartumik ullumi malinnaaffigineqarsinnaavoq.
Siumumut ilaasortat partiip anguniagassai pillugit ippassaq arfininngormat sivisuumik oqallipput. Assi © : KNR / Malik Brøns
Allattoq Johannes Baunsgaard , Ivik Kristiansen
novembarip 29-at 2020 11:16

Siumumi siulittaasumik qinersineq akunnernik marlungajannik kinguartinneqarpoq.

Siumumi siulittaasumik ullumi sapaammi partiip ataatsimeersuarnerani ullormi kingullermi qinersisoqartusaavoq.

Pilersaarutit malillugit nalunaaqutaq ataatsimiit qinersisoqartussaagaluarpoq. Qinersinissarli 14:45-mut kinguartinneqartoq, Siumup allattaanera paasissutissiivoq.

AAMMA ATUARUK Siumup ataatsimeersuarnerani arfininngorneq takisooq: Marlunnik atuuffeqarsinnaatitaaneq atulerseqqinniaraat

Siumumut ilaasortat sinerissamit tamaneersut 70-it missaat Nuummi ataatsimeersuaqataapput. Siumumullu kina ataatsimeersuarnissap tulliata tungaanut siulittaasuussanersoq, kikkullu partiip siulersuisuuneriniissanersut qinersissutigissavaat.

Maanna siulittaasuusup, Kim Kielsenip, unammillertai marluupput, tassaallutik Vivian Motzfeldt Erik Jensenilu.

Siulittaasumik qinersineq KNR-2-ikkut knr.gl-ikkullu 14:45-mit toqqaannartumik aallakaatissavarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq