Siumumi amerlanerussuteqartut aaliangigaat malinneqanngitsoq
Marlunnik ilaasortaaffeqarnissaq Siumumi akerlerigitsik amerlanerussuteqartut siorna ataatsimeersuarnermi tassa aalajangeraluarpaat.
Inatsisartunut upernaaq qinersisoqareertorlu Siumumi politikerit tallimat marlunnik ilaasortaaffeqalerput. Siornalu Siumup ataatsimeersuarnerani aalajangiunneqartoq timitalerneqassappat Siumut Kommuneqarfik Sermersuumi sunniutikinnerulersinnaavoq, Sermitsiaq.AG taama allappoq.
AAMMA ATUARUK Mangler viden om konsekvenser af hjemtagelse
Mala Høy Kuko kommunimut qinersisoqarmat Atassut tunuliaqutaralugu qinigaavoq, taanna maanna partii Siumumi ilaasortaavoq. Tassunga sinniisuuvoq Steen Lynge, taannalu partiimut allamut aamma ilaasortaalernikuuvoq, tassa Demokraatinut. Mala Høy Kukolu Siumup malittarisassai malillugit kommunalbestyrelsimut ilaasortaajunnaassappat Steen Lynge kommunalbestyrelsimut ilaasortanngussaaq.
Sunniuteqarsinnaaneq annaarusunngilaat
Kommuneqarfik Sermersuumili sunniuteqarsinnaaneq annaarusunngikkitsik Siumumi allatsi Mikael Petersen Sermitsiaq.AG-mut oqarpoq.
AAMMA ATUARUK Politikerit apeqqummi isumaqatigiinngillat
Taamaammat partiip malittarisassaani periarfissamik allamik ujartuisoqarsimavoq. Tassani partiip aalajangersagaanut naapertuutinngikkaluamut politikkikkut sunniuteqarnissamik siunertarineqarpat misiliutitut ingerlasoqarsinnaasoq allassimalluni.
