Siumukkut IA-kkullu naalakkersuisooqatigiiginnassapput

Inatsisartunut qinersisoqareerpat Siumukkut IA-kkullu naalakkersuisoqatigiinnerat ingerlaannassasoq KNR-ip nittartagaatigut isumasiuinitsinni taasisut amerlanersai isumaqarput.

Qinersisoqareerpat kikkut naalakkersuisunngortitsissanersut nittartagaq aqqutigalugu ippassaanili taasititsissutigisaqattaarparput.

1.690-t taasisimapput. Taakku 30,4 procentiisa Siumukkut IA-kkullu naalakkersuisunngortitsisussatut isumaqarfigaat.

Naalakkersuisunngortitsisussatut tulliuttut unammipput. Qinersisoqareerpat IA-kkut Demokraatillu naalakkersuisunngoqatigiissasut 23,1 procentit taasimavaat.

Pingajuattut akuleriiaallugit IA-kkut, Demokraatit Atassutikkullu naalakkersuisunngortussatut 22 procentit taasimavaat.

Siumukkut Atassutikkullu qinersisoqareerpat naalakkersuisunngortitsissussatut 21,8 procentinit taaneqarsimapput.

Kingulliullugu Siumukkut Demokraatillu naalakkersuisunngortitsissasut 2,7 procentinit taaneqarsimapput.

Tamanna inuit amerlasuut upperivallaarsimanngilaat.

Isumasiuipallanneq nutaaq aallartereerpoq. Qinersinermut atatillugu apeqqut nalinginnaasoq qinerparput:

Partii sorleq qinerniarpiuk.

Nittartagarput alakkaruk, tassavoq www naggat knr naggat gl

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat