Assi: Nauja Møller/KNR

Siumukkormiut qaleralittassat allanngortikkusunngikkaat

Naak Pisassat ikinnerungaarnissaannik Pinngortitaleriffik inassuteqaraluartoq, avannaani sinerissap qanittuani qaleralittassat Naalakkersuisut allanngortissannikkaat, Siumup Inatsisartuni gruppiata kaammattuutigaa.

Siumup gruppia kaammattuivoq, Upernaviummi qanittuanilu qaleralittassat 9500 tonsiuinnassasut, Uummannami qanituanilu suli 9500 tonsillutik, Qeqertarsuullu Tunuani 9200 tonsiussasut.

Qeqertarsuup Tunuani siorna pisassat 6400 tonsiussasut aappaagulu 5120 tonsiussasut Pinngortitaleriffik inassuteqarpoq. Uummannami eqqaanilu aamma Upernavimmi eqqanilu aamma assiganik. Pisassat uumasulerisut inassutaasa marloriaatingajagaat. 

AAMMA ATUARUK Qeqertarsuup tunuani qaleralittat amerlerialaartut

Pisassat inassutigineqartut marloriaatigingajakkaluaraat, Karl Kristian Krusep Pinngortitaleriffik tusaanngitsuusarneqarsorinngilaa. 

- Tassami, tusaaneqartarput. Aamma aallaavittut nalilersuinermi ilaatinneqartarput. Kisiani pinngortitami inuussutissarsiornermikkut ingerlaavartumik nakkutiginnillutillu atuisuusut oqariartuutaat aamma tusaanngitsuusaassallugu inissiminiinnginneruvoq.

AAMMA ATUARUK Tidobling af indhandling af hellefisk

Qeqertarsuup Tunuani pisat 2016-imit 2017-imut 40 procentimik oqileriarput. Ilaatigut taamaammat Pinngortitaeriffiup inassutigaa, aappaagu pisassat ikinnerussasut. Kisianni Siumup INatsisartuni gruppiata tamanna piviusumik ersersitsinerunnginnerarpaa.

- Naatsorsueqqissaartarfiup aamma takutippaa aammalu januaariminngaanniit ukiup qaammataasa ingrlaneranni qaleralinniarneq ukiut siuliinut sanilliullugu pitsaanerusumik inissisimasoq. Aamma atuisut malinnaavigiuarneranni tamanna oqariartuutigineqaqattaarpoq. qaleraleqasasuseq poitsaasumik ukioq manna ingerlaarfigineqarsimasoq. Tamaammat aappaagu nikisitsisoqannginnissaanik kammattuuteqarpugut, Karl Kristian Kruse oqarpoq. 

AAMMA ATUARUK Aqutsiveqarfik Tasiilami qernertanik qilalugartassiissutit tamakkerneqartut

Qalieralittassat nikisinnginnissaasa saniaitigut aamma Upernavmii eqqaanilu, Qeqertarsuup Tunuani tunumilu qernertanik ukiup sinneranut qaavatigut qilaluartasisoqassasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat