Siulluttunut akiuussutissaq pisariitsoq nassaarineqarpoq
Isumassarsiaq taanna takkuppoq, anaanap islandimiup, naalungiarsuutini anigorsinnaanngisaminik siulluttoq, pencillina nalinginnaasoq iluaqutaanngimmat, neriuutaaruitivikkamilu misilillugu uuliat naasuneersut atorlugit katsorsarniarsarisimammagu.
Taama misiliinera tupinnaannartumik iluaqutaasimasoq, Iceland Review online-imi tamanna allaaserineqarpoq.
- Basilikum uuliallu allat misilippakka. Qiviuusaq taakkuninnga kuilaariarlugit panimma siutaanut ikkuttarpakka, panigalu ullut marluk qaangiummata siullukkunnaarpoq, Gurun Saemundsdottir nassuiaavoq.
Tamanna professorip Karl G. Kristinssonip, Islandimi napparsimmavissuarmi, Landspítalimi, nakorsaanerup tusaramiuk ingerlateqqippaa, siummullu simissat isumassarsiaralugit.
Siummut simissat meeqqap siutaanut ikkunneqassapput, bakterianullu akiuussutissartai siutip igalaasartai aqqusaarlugit siutip ilorpiaanut pisarput, bakteriallu toquttarlugit.
Siummut simiit bakteriat siullutsitsilersartut tamaasa toqussinnaavaat, aamma bakteriat nakorsaatinit nalinginnaasunit katsorsarneqarsinnaanngitsut.
