Siulittaasutut qinigassanngortittut
Siumup siulittaasuannik qinersineq nalunaaqutaq pingasunngorluinnartorlu ingerlanneqarpoq. Qiningassanngortipput Hans Enoksen aamma Jørgen Wæver Johansen. Siulittaasunngorniarluni qinigassanngortittoq Godmand Petersen Kangaatsiamiit tikinngitsoormat qinigassanngortissinnaajunnaarpoq.
Siulittaasunngorniunnermi ulloqeqqata kinguninngua qineqqusaaqqittoqarpoq. Jørgen Wæver Johansenip qineqqusaarnermini naqissuserpaa Siumup siulittaasua imminut nalligisariaqanngitsoq, akillu assigiikkunnaarnissaat kingut eqqartorneqaqqilluni nalileqqinneqartariaqartoq.
- Siumup siulittaasua avissaartuutitsinaveersaartariaqarpoq, immikkoortunut marlunnut avinnagit, Jørgen Wæver Johansen oqarpoq.
Jøgen Væver Johansen aamma oqarpoq partiimi nutarterisoqartariaqartoq, partiilu inuusuttunut kajuminnarnerusunngortinneqartariaqartoq.
Hans Enoksenip qineqqusaarnermini oqaatigaa kalaaliunini tulluusimaarutigalugu, kalaallillu imminut tatiginerulernissaat sulissutiginiarpaa. Nunaqarfimmiuugaluarluni kalaallisuinnarlu oqaaseqaraluarluni angusaqarsinnaaneq upperaa.
