Assi: KNR

Siulittaasup tullia: Henrik Fleischer Siumumi suli tikilluaqqusaavoq

Henrik Fleischer Siumumit anisitaasimanngisaannarnikuuvoq, partiip siulittaasuata tullia allappoq.

Siumut iluani eqqissiviilliortoqarpoq.

Henrik Fleischerip Siumup partiiani malittarisassat malillugit siunissami sulisinnaanissani qulakkeersinnaaguniuk partiimut uteqqissinnaasoq, Siumut siulersuisuunerisa tamanna isumaliutigilluaqqissaareerlugu aalajangerpaat.

Suliaq naatsumik

- Inatsisartut aalisarnermut ataatsimiititaliaata aalisarnermut naalakkersuisoq Jens Immanuelsen (S) tatigiunnaarlugu tusagassiuutinut pingasunngornermi februaarip 19-iani nalunaarutigaa.

 

- Henrik Flerischer (S) Aalisarnermut ataatsimiititaliami siulittaasuuvoq. Taannalu ataatsimiititaliami kisiartaalluni tatiginnikkunnaarnermik nalunaarummik atsiortuuvoq.

 

- Taamatut pisoqareernerata kingorna Henrik Fleischer Siumumi ilaasortat ilaannit isornartorsiorneqarpoq.

 

-Sermitsiaq.ag-p Henrik Fleischer Siumumit anisitaasimasoq sapaatip-akunnerata naanerani allaaseraa. Tusagassiorfiup tusarfik kinaassutsiminik isertuussisoq paasissutissiisoraa.


- Suliarli tamarmi paatsoorfiusoq Henrik Fleischerip KNR-imut nammineerluni oqaatigaa – taassuma partiimit anisitaanerluni anisitaannginnerluniluunniit ilisimanagu oqaatigaa.

 

- Siulittaasiq Kim Kielsen ulluinnarnilu aqutsisunut ilaasortaq, Vivian Motzfeldt Karl-Kristian Krusemut innersuussuteqarput.

Partiip siulittaasuata tullia, Karl Kristian Kruse ualimut marlunngunngiatsiartoq tusagassiuutinut nalunaaruteqarluni taama allappoq.

Henrik Fleischerimi partiimit anisitaanikunngisaannartoq, siulittaasup tullia allappoq.

Tamanna Sermitsiaq.ag-p sapaatiummat saqqummiukkaluarpaa. Tusagassiorfiulli paasissutissat kimit pissarsiarisimanerlugit allanngilaa partiimilu siulersuisut suliamut atatillugu KNR-imut oqaaseqarumanatik.

Karl Kristian Krusep tusagassiuutinut nalunaarutaa naapertorlugu Henrik Fleischerip Inatsisartuni gruppimit aninini pissutigalugu partiimit aninissani nammineq aalajangerpaa. ”Tamannalu Siumumut ilaasortat malittarisassatsinnut naapertuutinngilaq”, Karl Kristian Kruse allappoq.

Henrik Fleischerili maanna nassueruteqartoq siulittaasup tullia paasissutissiivoq:

- Ilaanneeriarluni aporaattoqarsinnaasarpoq naalakkersuinikkullu sulinermi sakkortuuliortoqarsinnaasarluni. Taamaattariaqarpoq uummateqarfigalugumi suligatta. Henrik Fleischerip partiip siulersuisuunerit naalakkersuinikkut sulinermut tunngatillugu nassueruteqarpoq uteqqinnissanilu qinnutigalugu. Tamanna siulersuisuunernit tusaatissatut tiguarput akueralugulu, Karl Kristian Kruse allappoq.

KNR-ip Karl Kristian Kruse oqaaseqartinnialeruttorpaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat