Siulittaasoqarfiup atuinerata politikkikkut nakkutigineqalernissaa qularnaassivoq

Inatsisartut siulittaasoqarfiata ilassinninissamut aningaasaliissutinik immnut pisussaatilluni nakkutigineqaranilu atuinera taamaatittussanngorpoq. Siulittaasoqarfimmut aningaasaliissutit Inatsisartut kukkunersiuinermut ataatsimiisitaliaaniit nakkutigeqqissaarneqartussanngorlugit, qinersinerup kinguninngua inatsisit allanngortinneqarnissaannut partiit amerlanerit nalunaareerput.

Demokraatit, Inuit ataqatigiit, Atassut maannalu Siumut Radioaviisimut ersarissumik oqareerput, maannamut ileqquusut allanngortinneqassasut. Siulittaasoqarfimmi malittarisassat sukaterneqartariaqarnerat, kukunersiuinermut ataatsimiititaliami ilaasortap Siumumeersup Aleqa Hammondip isumaqatigaa.

- Kukkunersiuinermut ataatsimiititaliami suleriaaseq nutartertariaqalerpoq. Tassani sulineq arlaannaannilluunniit pasinartuliutaassanngippat, ilaasortat Naalakkersuisoqatigiit illuatungiliuttullu partianneersut amerlaqatigiittariaqartut. Aammalu isumaqatigiikkaanni aatsaat avammut nalunaartarluni. Taamaaliornikkut Kukkunersiuinermut Ataatsimiititaliami suliat apeqquserneqaratik, pitsaassuseq aallaavigalugu ingerlattalissavaat, Aleqa Hammond oqarpoq.

Ilassinninnermut aningaasartuuteqareernermi, qanoq atuitigisimaneq nittartakkakkut aqaguinnartoq saqqummiunneqartalernissaannik Demokraatit siulittasuata Jens B. Frederiksenip siunnersuutaa, Aleqa Hammindip taperserpaa, aammali tamakkiinerusumik siunersuuteqarluni.

- Nunatta Karsiata aningaasartuutaata nikerarfii tamarmik inuiaqatigiit aningaasaatigimmatigit, kikkunnit tamanit malinnaaffigineqarsinnasariaqarput, Inatsisartunut ilaasortaq oqarpoq.

- Inatsisartuni suleriaaserput nammineq allanngortissinaavarput, Aleqa Hammond taama oqarpoq.

Kukkunersiuinermut ataatsimiititaliap siulittaasua, Atassummeersoq Godmand Rasmussen, isumaa naapertorlugu, Siulittasoqarfimmi matoqqasumik ingerlariaaseqarneq naammalerpoq, aningaasartuutilli aqaguinnartoq saqqummiunneqartarnissaat isumaqatiginngilaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat